Andhra Pradhesh Formation day A Black day of Telangana


భారత దేశ స్వాతంత్రం అనంతరం, మద్రాస్ రాష్టంలో బాగంగా వున్నా ఆంధ్రులు (కోస్తంద్ర, రాయలసీమ), తమని ఉద్యోగ రంగం లో, వనరుల పంపినిలో తమిళులు దోపిడీకి గురి చేస్తున్నారని, పొట్టి శ్రీరాములు ప్రత్యేక ఆంధ్ర రాష్ట్రం కొరకు ఆమరణ నిరాహారదీక్ష చేసి ప్రాణ త్యాగ పలితంగ 1953 అక్టోబర్ 1 న మద్రాస్ రాష్ట్రం లోనుండి ఆంధ్రులను విడదీసి ప్రత్యేక ఆంధ్ర రాష్ట్ర ఆవిర్భావం జరిగింది. మద్రాస్ నగరం లో బాగం కావాలన్నా లక్షంతో దీక్ష్య చేసి, 1952 లో పొట్టి శ్రీరాములు చనిపోగా, విశాలాంద్ర (ఆంధ్ర ప్రదేశ్) ఏర్పాటు కొరకు ప్రాణత్యాగం చేసినట్లు నేటి నాయకులూ, మేధావులు వర్ణించడం చరిత్రను వక్రికరించడమే.
ఆంధ్ర రాష్ట్రం ఏర్పడిన తర్వాత రాజదాని ఒక పెద్ద ప్రశ్న మిగిలి పోయి, తలసరి ఆదాయం లేక గడ్డు పరిస్థితుల్లో, ఆంధ్ర నాయకుల కన్ను హైదరాబాద్ రాష్ట్రం మీద పడి, బాష ప్రయుక్త రాష్ట్రాల పల్లవితో అందరిది తెలుగేనని తెలంగాణా ప్రజలు తమ వారేనని కపట ప్రేమ వొలక పోసి, తెలుగు మాట్లాడే వారందరికీ ఒకే రాష్ట్రాన్ని ఏర్పాటు చేయాలన్న బూటకపు నినాదాన్ని తెచ్చారు. విశాలాంద్ర ఏర్పాటుకు తెలంగాణా ప్రజలు వెతికించిన అనంతరం, ఫజాల్ అలీ అద్వర్యం లో మొదటి SRC తాయారు చేయబడింది. మొదటి SRC ప్రకారం, వీలినం సబబు కాదని, హైదరాబాద్ రాష్ట్రం లోని 8 జిల్లాలను ప్రత్యేక రాష్ట్రం గ ఏర్పాటు చేయాలనీ సూచించింది. దీనికి ఆంధ్ర నాయకుల కేంద్రం లో తమ పలుకుబడిని ప్రయోగించి కేంద్రాన్ని సమ్మతింప జేసి, తెలంగాణా నాయకులను తమ హామీలతో, ప్రలోబలతో లొంగదీసి, పెద్ద మనుషుల వొప్పందం ద్వారా ఈ రోజు అనగా నవంబర్ 1 న ఆంధ్ర ప్రదేశ్ రాష్ట్రాన్ని ఏర్పాటు చేయటం జరిగింది.
ఆంధ్ర ప్రదేశ్ ఏర్పడిన తర్వాత, యాబై మూడు సంవత్సరాల నుండి, తెలంగాణా ప్రాంత ప్రజలకు తీరని అన్యాయం జరిగింది. వరుస ఆంధ్ర పాలన లో అనేకమైన ప్రణాలికలు, జి.వో. లు, అగ్రీమేంట్లు చేశారు, ఫార్ములాలు తెచ్చారు, ఒక్కటి కూడా, తెలంగాణా ప్రాంత ప్రజల అభివృద్దికి తోడ్పడక పొగ, తెలంగాణా ప్రాంతం ఎడారిగా మారింది. విశాలాంద్ర వుద్యమం లో తెలంగాణా రక్షణ ల గురించి మాట్లాడి, ఆంధ్ర ప్రదేశ్ ఏర్పడిన తర్వాత మాట మార్చిండ్రు. తెలంగాణా విషయం లో ఏ చట్టాన్ని, ఏ హామిని కాతరు చేయక, తెలంగాణా రక్షణలు చెత్త బుట్టలో వేసి, హిట్లర్ పాలన మొదలు పెట్టిండ్లు.
తెలంగాణా ప్రభుత్వ ఉద్యోగాలను దొంగ సర్టిఫికెట్లు చూపి, ముల్కి నిబందలనకు వెతిరేకంగా కొట్టుక పోయారు..తెలంగాణా వనరులను ఆంధ్ర కు తరలించే ప్రయత్నాలు ఎడతెగకుండా సాగుతూనే వున్నాయి, దీనిని సహించలేక వుద్యోగులు, మేధావులు, విధ్యార్థులు తెలంగాణా ప్రత్యేక రాష్ట్ర వుద్యమానికి నాంది పలికినారు. 1969 తెలంగాణా వుద్యమం లో ప్రపంచం లో కని విని ఎరుగని రీతిలో విచ్చల విడిగా అరెస్ట్ లు, కాల్పులు, పాఠశాలలను, కాలేజి లను, నిర్బంద ప్రదేశాలు గా మార్చారు.. భాషరాని పోలిసు సిబ్బంది తో తెలంగాణా ప్రజలను పొట్టన పెట్టుకున్నారు..
ఇప్పటికి యాబై మూడు ఏండ్లు నిండినాయి ఆంధ్ర ప్రదేశ్ ఏర్పడి, ఈ 5 దశాబ్దాల నుండి తెలంగాణా అబివృద్ది ఎక్కడినుండి ఎక్కడికి వచ్చింది, ప్రణాళికలు ఎంత వరకు సఫలం అయ్యాయి? పల్లెల అబివృద్ది ఏమి జరిగింది? ప్రభుత్వ భూములను అమ్ముకునే పరిస్థితి కి ప్రభుత్వం ఎందుకు దిగజారింది? తెలంగాణా రైతులే భూములను ఎందుకు అమ్ముకుంటున్నారు ? ఎందుకు ఆత్మ హత్యలు చేసుకుంటున్నారు? చేనేతకు ప్రసిద్ది కెక్కిన తెలంగాణా లోని సిరిసిల్ల గ్రామం లో ఆత్మ హత్యలు ఎందుకు అయ్యాయి? వీటిని మనం ఎందుకు ఆలోచించ లేకపోతున్నాం? ప్రభుత్వ భూముల అమ్మకాల ద్వారా వచ్చిన వేలాది కోట్లు ఆదాయంగ బావించాలా? అసలు ప్రబుత్వానికి భూములను అమ్మ వలసిన అవసరమేమీ వచ్చింది? ఇలా భూములను అమ్ముకుంటూ పోతే రేపు తెలంగాణా వచ్చాక మనకు ఎకరం భూమి కూడా వుండకుండా అవుతది.
తెలంగాణా ఆవశ్యకతను ప్రతి తెలంగాణా బిడ్డ తెలుసు కోవాలి, నైజాం పాలనా నుండి స్వేశ్చ ఎంతకాలం వుండక పొగ ఆంధ్ర పాలనా వశమైంది. నిజాం ను ఎదిరించి పోరాడి ప్రాణాలు త్యాగం చేసిన వీరుల గడ్డ మనది, ఆంధ్ర పాలనలో ప్రత్యేక తెలంగాణా వుద్యమం లో ప్రాణాలు కోల్పోయిన అమరవీరుల స్పూర్తి తో, ఇప్పుడు జరుగుతున్న అరాచకాలను ఎదురుకోవాలి. తెలంగాణా వాదం రాజకీయమై తెలంగాణా ప్రజలను మోసం చేస్తున్నారు.. ప్రజా వుద్యమం చెయ్యాలి, ప్రతి రంగం లో మనం వెనుకపడి పోవటానికి ప్రాంతీయ అసమానతలే కారణం. విద్యారంగం లో విద్యావకాశాలు కల్పించే దానిలో అవకతకలు, పాఠశాలల , కాలేజీల , యునివెర్సిటీ ల పంపినిలల్లో అసమానతలు. అందులో పనిచేసే వుద్యోగుల కేటాయింపు లో అవకతవకలు. వేవసాయ రంగం జరుతున్న అసమానతలు కొట్టొచ్చినట్టు కనబడుతున్నాయి, తెలంగాణా లో నది పరివాహక ప్రాంత ఆదరంగా నీళ్ళ కేటాయింపు జరగడం లేదు, ఇర్రిగేషన్ ప్రాజెక్ట్స్ మరమ్మతుకు నోచుకోక నీటి పారుదల గతి తగ్గి పోతుంది. కొత్తగ మొదలు పెట్టిన ప్రాజెక్ట్ లకి, సరైన నీళ్ళ కేటాయింపు లేకపోగా, ఆకరి దశకు కూడా నోచుకోకుండా వున్నాయి.
అందుకే, ఆంధ్ర ప్రదేశ్ అవతరణ దినం తెలంగాణా విద్రోహదినంగ పరిగణించాలి, ఈ రోజే తెలంగాణా అభివృద్ది కి సమాధి కట్టిన రోజు, మన స్వేఛ్చ జీవితాలకు సంకెళ్ళు వేసిన రోజు. తెలంగాణా వునికి శాశ్వతం గ పూడ్చి పెట్టడానికి పూనుకున్న దినం.ఆంధ్ర ప్రదేశ్ అవతరణ తెలంగాణా ప్రజాస్టానికి అతీతంగ ఏర్పడింది, అందుకు నిరసనగా అవతరణ దినాన్ని తెలంగాణా విద్రోహదినంగ జరుపు కోవాలని తెలంగాణా బిడ్డలందరికీ మనవి.
జై తెలంగాణా!
జై జై తెలంగాణా!!

తెలంగాణ పై చిరు కు స్పష్టత లేనట్టే.
చిరు తెలంగాణ గురించి గొప్పగా నాలుగు మాటలు మాట్లాడితే మురిసి పోతున్న సోదరులు ఇంకా అసలు విషయం తేల్చనే లేదన్నది మరిచిపోరాదు. చిరు కు తెలంగాణ విషయం లో స్పష్టత లేదు. YS & TDPలు చెప్పేదానికి & చిరు చెప్పిన దానికి తేడా ఏమీ లేదు. YS కూడా అదే అంటున్నాడు ప్రజలు కోరుకుంటే తెలంగాణ వస్తుంది. నేను అడ్డం కాదు అని. ఈయన CM కాకముందే ఇట్ల అన్నడు అంటే రేపు CM అయ్యే అవకాశం ఉంటే ఈయన ఎట్ల మాట్లాడుతడో మనం ఊహించొచ్చు. చిరంజీవి అన్న మాటలు "నీల్లు నిదులు నియామకాల్లో తెలంగాణ కు అన్యాయం జరిగిందని అక్కడి ప్రజలు భావిస్తున్నరు. వెనక బడ్డ ప్రాంతాలు ప్రతి దగ్గరా ఉన్నాయి. కోస్తాంధ్ర లో నీళ్లే కాదు కన్నీళ్లు ఉన్నయి. "(కోస్తాంధ్ర లో కష్టాలు నిజంగానే ఉన్నయట. తెలంగాణ కు అన్యాయం జరిగిందని మాత్రం అక్కడి ప్రజలు భావిస్తున్నరట.) జరిగిన అన్యాయం అంతా ఇప్పటి వరకు అధికారం లో ఉన్నవాళ్ల వల్ల జరిగింది మాత్రమె.నట. ఈయనవస్తే ఇలా జరగదని ఈయన చెప్పాలనుకుంటున్నాడు. తెలంగాణ చాలా గొప్పదని మాట్లాడిన చిరు తెలంగాణ రాష్ట్రం గురించి మాత్రం ఏదీ చెప్పలేదు. ఒకవేళ ఆ పరిస్తితే వస్తే స్నేహపుర్వకం గా విడిపోవడానికి సహకరిస్తాం అని చెప్పడం ద్వారా చిరు చెప్పదలుచుకున్నది అర్థం అవుతుంది. అంటే తప్పని సరి పరిస్తితుల్లో మాత్రమే అంగీకరిస్తాడట. మూడు పెద్ద పార్టీలు ముందుకు రాకుండా తప్పని సరి పరిస్తితులు రావడం ఎలా జరుగుతుంది..? అంటే రేపు ఎప్పుడైనా తెలంగాణ పార్టీల ఎమ్మెల్యేల అవసరం వస్తేనే ఆ అనివార్యం వచ్చినట్టా..? మరి లేకపోతే ఆ తప్పని సరి పరిస్తితి ఏమిటి..? ప్రజాభిప్రాయం కనుక అదే ఐతే ఓకే అంటున్నాడు అన్నయ్య. కాని సమస్యల్లా ప్రజాభిప్రాయం అంటే ఎవరిది. తెలంగాణ ప్రజలదా..? లేక అన్ని ప్రాంతాల వారిదా..? దెబ్బ తాకినోడు ఏడుస్తూంటే కొట్టిన వాన్ని అడిగి ట్రీట్ మెంట్ చేస్తాం అనడం కరెక్టా..? ప్రాజాభిప్రాయ సేకరణ కు చిరు ఎంచుకున్న మార్గం ఏంటి..? కేవలం ఓట్లు సీట్లేనా..? ఐతే ఎవరి సీట్లు తెలంగాణవి అన్నమాట..? కేవలం TRS, NTPP, BJP లవేనా లేకా గొడమీది పిల్లులు కాంగ్రేస్ సీపి ఐ లవి కూడానా..? పార్టీ పెడతా అని రెండు మూడు ఏళ్ల నుంచే అంటున్న చిరంజీవి తెలంగాణ పైమాత్రం ఇంకా నిర్ణయం తీసుకోలేదు అంటున్నాడు. ఆయన తీసుకున్న ఒకేఒక నిర్ణయం రాజకీయాల్లోకి రావడం. సీయెం కావడం. అంతేనా..!! - Naveen Achari